Serat Ajisaka
Pupuh V: Mijil



ꦩꦶꦗꦶꦭ꧀
, mijil,
/ mijil /
ꦱꦠꦸꦱ꧀ꦠꦲꦸꦤ꧀ꦠꦸꦫꦸꦤ꧀ꦠꦶꦒꦤꦼꦁꦒꦶꦃꦱꦶꦂꦟꦤꦺꦏꦝꦡꦺꦴꦤ꧀ꦔꦩꦂꦠꦭꦪꦮꦲꦸꦫꦠꦸꦤꦺꦲꦶꦁꦤꦭꦶꦏꦲꦶꦏꦸꦠꦤꦃꦗꦮꦶꦲꦸꦩꦸꦂꦫꦺꦗꦁꦏꦼꦥ꧀ꦥꦶꦏꦭꦶꦃꦲꦺꦮꦸꦠꦲꦸꦤ꧀
1satus tahun turun tiga něŋgiḥ, siṙṇané kaḍathon, ṅamaṙta laya wahu ratuné, hiŋ nalika hiku tanaḥ jawi, humuṙré jaŋkěppi, kaliḥ héwu tahun,
1satus tahun turun tiga něnggih / sirnané kadhaton / Ngamarta Laya wau ratuné / ing nalika iku tanah Jawi / umuré jangkěpi / kalih éwu tahun /
ꦤꦸꦭꦶꦫꦸꦱꦸꦃꦩꦭꦶꦃꦠꦤꦃꦗꦮꦶꦤꦺꦴꦫꦤꦤꦏꦡꦺꦴꦁꦥꦿꦢꦶꦦꦡꦶꦔꦿꦠꦸꦝꦺꦮꦺꦝꦺꦮꦺꦏꦥꦶꦪꦂꦰꦱꦏꦶꦁꦏꦸꦛꦱꦽꦁꦒꦶꦪꦺꦤ꧀ꦤꦒꦫꦶꦗꦮꦶꦤꦺꦴꦫꦤꦤꦫꦡꦸ
2nuli rusuḥ maliḥ tanaḥ jawi, nora nana kathoŋ, pŕa diphathi ṅŕatu ḍéwé ḍéwé, kapiyaṙṣa sakiŋ kuṭa sṛěŋgi, yèn nagari jawi, nora nana rathu,
2nuli rusuh malih tanah Jawi / nora nana katong / pra dipati ngratu dhéwé dhéwé / kapiyarsa saking Kutha Srěnggi / yèn nagari Jawi / nora nana ratu /
ꦮꦺꦴꦁꦥꦱꦶꦱꦶꦂꦭꦤ꧀ꦩꦺꦴꦚ꧀ꦕꦤꦒꦫꦶꦥꦿꦢꦶꦦꦡꦶꦏꦺꦥꦺꦴꦤ꧀ꦲꦏꦸꦏꦸꦮꦸꦤꦺꦁꦤꦒꦿꦶꦤꦺꦝꦺꦮꦺꦤꦺꦴꦫꦤꦤꦏꦁꦢꦶꦥꦸꦤ꧀ꦱꦧꦤ꧀ꦤꦶꦫꦡꦸꦤꦸꦁꦱ꧀ꦮꦱꦽꦁꦒꦶꦲꦩꦁꦏꦠ꧀ꦲꦔ꧀ꦭꦸꦫꦸꦒ꧀
3woŋ pasisiṙ lan moñcanagari, pŕa diphathi kèpon, hakukuwu nèŋ nagŕiné ḍéwé, nora nana kaŋ dipunsabanni, rathu nuŋswa sṛěŋgi, hamaŋkat haṅlurug,
3wong pasisir lan moncanagari / pra dipati kèpon / akukuwu nèng nagriné dhéwé / nora nana kang dipunsabani / Ratu Nungswa Srěnggi / amangkat anglurug /
ꦱꦩ꧀ꦥꦸꦤ꧀ꦥꦿꦥ꧀ꦠꦤꦒꦿꦶꦠꦤꦃꦗꦮꦶꦒꦸꦩꦸꦫꦸꦃꦥꦸꦤꦁꦮꦺꦴꦁꦲꦩ꧀ꦧꦭꦧꦂꦮꦺꦴꦁꦱꦽꦁꦒꦶꦧꦭꦤꦺꦭꦁꦏꦸꦁꦢꦺꦤꦶꦁꦥꦿꦏꦺꦴꦱꦺꦁꦗꦸꦫꦶꦠ꧀ꦱꦒꦸꦁꦥꦿꦢꦶꦦꦡꦶꦠꦤꦃꦗꦮꦩꦼꦛꦸꦏ꧀
4sampun pŕapta nagŕi tanaḥ jawi, gumuruḥ punaŋ woŋ, hambalabaṙ woŋ sṛěŋgi balané, laŋkuŋ déniŋ pŕakosèŋ jurit, saguŋ pŕa diphathi, tanaḥ jawa měṭuk,
4sampun prapta nagri tanah Jawi / gumuruh punang wong / ambalabar wong Srěnggi balané / langkung déning prakosèng jurit / sagung pra dipati / tanah Jawa měthuk /
ꦥꦤ꧀ꦱꦢꦪꦏꦁꦥꦫꦢꦶꦦꦡꦶꦮꦸꦱ꧀ꦩꦼꦥꦏ꧀ꦥꦸꦤꦁꦮꦺꦴꦁꦥꦿꦢꦶꦦꦡꦶꦱꦩꦾꦤꦸꦁꦏꦸꦭ꧀ꦏꦧꦺꦃꦩꦫꦁꦲꦶꦁꦱꦁꦦꦿꦧꦸꦤꦸꦁꦱꦱꦽꦁꦒꦶꦪꦠꦲꦤꦺꦁꦗꦮꦶꦱꦩ꧀ꦥꦸꦤ꧀ꦢꦢꦶꦫꦡꦸ
5pan sadaya kaŋ para diphathi, wus měpak punaŋ woŋ, pŕa diphathi samȳa nuŋkul kabèḥ, maraŋ hiŋ saŋ phŕabu nuŋsa sṛěŋgi, ya ta hanèŋ jawi, sampun dadi rathu,
5pan sadaya kang para dipati / wus měpak punang wong / pra dipati samya nungkul kabèh / marang ing sang prabu Nungsa Srěnggi / ya ta anèng jawi / sampun dadi ratu /
ꦮꦺꦴꦁꦲꦶꦁꦱꦧꦿꦁꦲꦤꦺꦁꦠꦤꦃꦗꦮꦶꦲꦩ꧀ꦧꦲꦏ꧀ꦲꦩ꧀ꦧꦺꦴꦪꦺꦴꦁꦭꦁꦏꦸꦁꦱꦸꦏꦯꦁꦟꦡꦒꦭꦶꦃꦲꦺꦭꦁꦏꦸꦁꦉꦱꦃꦫꦡꦸꦤꦸꦁꦱꦱꦽꦁꦒꦶꦲꦤꦺꦁꦠꦤꦃꦗꦮꦶꦔꦼꦧꦺꦴꦥꦼꦭꦺꦤ꧀ꦢꦶꦒꦸꦁ
6woŋ hiŋ sabŕaŋ hanèŋ tanaḥ jawi, hambahak hamboyoŋ, laŋkuŋ suka śaŋ ṇatha galiḥhé laŋkuŋ ṛsaḥ rathu nuŋsa sṛěŋgi, hanèŋ tanaḥ jawi, ṅěbo pělèndiguŋ, i
6wong ing sabrang anèng tanah Jawi / ambahak amboyong / langkung suka sang nata galihé langkung rěsah ratu Nungsa Srěnggi / anèng tanah Jawi / ngěbo pělèndigung // i //