Serat Anglingdarma
Pupuh III: Dhandhanggula



ꦩꦢꦸꦧꦿꦠꦲꦸꦩꦸꦁꦲꦤ꧀ꦤꦩ꧀ꦧꦼꦂꦫꦶꦲꦔꦽꦉꦔꦶꦃꦱ꧀ꦮꦫꦏꦥꦶꦪꦂꦱꦩꦿꦶꦃꦱꦂꦏꦫꦤ꧀ꦤꦶꦁꦱꦫꦶꦤ꧀ꦤꦺꦮꦱꦤꦲꦶꦁꦏꦁꦱꦤ꧀ꦠꦸꦤ꧀‌ꦠꦸꦩꦶꦧꦺꦁꦮꦺꦧꦽꦩ꧀ꦩꦫꦔꦸꦁꦏꦶꦃꦤꦶꦧꦩꦸꦭꦸꦏ꧀ꦲꦶꦁꦠꦮꦁꦩꦺꦱꦼꦩ꧀ꦱꦁꦔꦦꦿꦨꦸꦩꦶꦪꦠ꧀ꦱꦺꦴꦭꦃꦲꦶꦁꦱꦢ꧀ꦥꦢꦥꦤ꧀ꦒꦶꦤꦒꦱ꧀ꦭꦭꦏꦺꦴꦤ꧀ꦤꦶꦫꦥꦿꦶꦧꦢꦶꦤꦺꦴꦫꦥꦲꦺꦩꦁꦏꦤ
1madubrata umung anambêri / angrêrêngih swara kapiyarsa / mrih sarkaraning sarine / wasana ingkang santun / tumibèng we brêmara ngukih / niba muluk ing tawang / mèsêm sang aprabu / miyat solahing sadpada / pan ginagas lêlakonira pribadi / nora pae mangkana
ꦥꦼꦏ꧀ꦱꦶꦔꦿꦸꦲꦸꦂꦲꦮꦸꦫꦃꦲꦤ꧀ꦩꦸꦤꦶꦥꦿꦠꦶꦰ꧀ꦛꦫꦶꦁꦔꦼꦥꦁꦤꦒꦥꦸꦱ꧀ꦥꦩꦮꦶꦗꦃꦮꦶꦗꦃꦲꦶꦁꦠꦾꦱ꧀ꦱꦺꦱꦩꦾꦩꦤꦸꦁꦱꦸꦁꦒꦸꦪꦸꦮꦶꦏꦤ꧀ꦭꦩꦸꦤ꧀ꦱꦁꦟꦡꦮꦶꦔꦶꦠ꧀‌ꦭꦶꦂꦲꦔ꧀ꦭꦶꦥꦸꦂꦱꦁꦧꦿꦺꦴꦁꦠꦮꦲꦸꦕꦶꦥ꧀ꦠꦤ꧀ꦤꦶꦥꦸꦤ꧀‌ꦥꦼꦏ꧀ꦱꦶꦲꦼꦠꦺꦴꦁꦒꦚ꧀ꦗꦿꦶꦠ꧀ꦩꦸꦚꦲꦩꦼꦩꦁꦱꦶꦠ꧀ꦝꦠꦼꦁꦱꦒꦸꦁꦔꦶꦁꦏꦁꦥꦼꦏ꧀ꦱꦶꦱꦸꦁꦱꦩ꧀ꦧꦺꦒꦲꦶꦁꦫꦺꦴꦮꦁ
2pêksi ngruhur awurahan muni / pratistha ring êpang nagapuspa / mawijah-wijah ing tyase / samya manungsung guyu / wikan lamun sang nata wingit / lir anglipur sang brăngta / wau ciptanipun / pêksi êtongganjrit munya / amêmangsit dhatêng sagunging kang pêksi / sung sambega ing rowang
ꦲꦪ꧀ꦮꦱꦶꦫꦮꦤ꧀ꦤꦶꦲꦔꦸꦁꦏꦸꦭ꧀ꦭꦶꦫꦗꦲꦁꦔ꧀ꦭꦶꦁꦢꦂꦩꦲꦶꦁꦩꦭꦮꦏꦼꦤ꧀ꦤꦲꦶꦁꦕꦶꦤ꧀ꦠꦿꦏꦒꦼꦝꦺꦪꦠꦱꦏꦺꦃꦲꦶꦁꦩꦤꦸꦏ꧀‌ꦧꦿꦱꦠ꧀ꦱꦏꦶꦁꦥꦁꦤꦒꦱꦫꦶꦲꦗꦿꦶꦃꦔꦸꦁꦏꦸꦭ꧀ꦭꦶꦩꦫꦁꦱꦶꦫꦯꦁꦔꦦꦿꦨꦸꦏꦤ꧀ꦠꦸꦤ꧀ꦏꦁꦥꦼꦏ꧀ꦱꦶꦏꦸꦛꦶꦭꦁꦩꦏ꧀ꦱꦶꦃꦩꦺꦚ꧀ꦕꦺꦴꦏ꧀ꦱꦱꦺꦴꦩꦃꦤꦺꦁꦤꦒꦱꦫꦶꦭꦒꦾꦲꦥꦼꦥꦱꦶꦃꦲꦤ꧀
3aywa sira wani angungkuli / Raja Anglingdarma ing Malawa / kêna ing cintraka gêdhe / ya ta sakèhing manuk / brasat saking pang nagasari / ajrih ngungkuli marang / sira sang aprabu / kantun kang pêksi kuthilang / maksih mencok sasomah nèng nagasari / lagya apêpasihan
ꦯꦿꦶꦟꦫꦺꦟ꧀ꦢꦿꦥꦿꦱ꧀ꦠꦮꦺꦁꦥꦔꦏ꧀ꦱꦶꦲꦺꦱ꧀ꦩꦸꦫꦸꦤ꧀ꦠꦶꦏ꧀ꦩꦿꦶꦁꦥꦼꦏ꧀ꦱꦶꦱꦱꦺꦴꦩꦃꦪꦺꦤ꧀ꦏꦮꦶꦗꦶꦭ꧀ꦭꦱꦧ꧀ꦢꦤꦺꦲꦏꦛꦃꦲꦶꦁꦏꦁꦩꦤꦸꦏ꧀‍ꦤꦺꦴꦫꦤꦤꦮꦤꦶꦔꦸꦁꦏꦸꦭ꧀ꦭꦶꦩꦫꦁꦱꦫꦶꦫꦤ꧀ꦤꦶꦁꦮꦁꦩꦸꦁꦲꦶꦏꦶꦏꦁꦥꦸꦫꦸꦤ꧀‍ꦠꦶꦧꦤ꧀ꦤꦶꦁꦲꦤ꧀ꦠꦏꦤ꧀ꦤꦶꦫꦯꦿꦶꦟꦫꦺꦟ꧀ꦢꦿꦱꦶꦒꦿꦲꦤꦩ꧀ꦧꦸꦠ꧀ꦗꦼꦩ꧀ꦥꦫꦶꦁꦏꦸꦏꦶꦭꦭꦶꦤꦼꦥꦱ꧀ꦱꦤ꧀
4sri narendra prastawèng pangaksi / èsmu runtik mring pêksi sasomah / yèn kawijila sabdane / akathah ingkang manuk / nora nana wani ngungkuli / marang sariraningwang / mung iki kang purun / tibane antakanira / sri narendra sigra anambut jêmparing / kukila linêpasan
ꦏꦼꦤ꧀ꦤꦶꦝꦝꦤ꧀ꦤꦺꦏꦸꦛꦶꦭꦁꦲꦺꦱ꧀ꦠꦿꦶꦏꦥꦶꦱꦤ꧀ꦤꦤ꧀ꦏꦁꦗꦭꦸꦔꦸꦩ꧀ꦧꦫꦪꦠꦤꦱ꧀ꦮꦫꦩꦁꦏꦺꦤꦺꦏꦥꦾꦂꦱꦲꦶꦁꦯꦁꦦꦿꦨꦸꦏꦤ꧀ꦤꦶꦲꦪꦱꦶꦫꦯꦁꦔꦗꦶꦮꦺꦴꦁꦭꦒꦶꦥꦼꦥꦱꦶꦃꦲꦤ꧀‌ꦩꦼꦁꦏꦺꦴꦫꦧꦶꦤꦶꦁꦱꦸꦤ꧀‍ꦩꦠꦶꦱꦶꦫꦏꦁꦤꦚ꧀ꦗꦠꦧꦺꦱꦸꦏ꧀ꦱꦶꦫꦤꦼꦩꦸꦮꦼꦮꦊꦱ꧀ꦭꦶꦂꦩꦩꦶꦠꦶꦤꦶꦭꦂꦲꦶꦁꦒꦂꦮꦤ꧀ꦠ
5kêni dhadhane kuthilang èstri / kapisanan kang jalu ngumbara / ya ta na swara mangkene / kapyarsa ing sang prabu / kaniaya sira sang aji / wong lagi pêpasihan / mêngko rabiningsun / mati sira kang nanjata / besuk sira nêmu wêwalês lir mami / tinilar ing garwanta
ꦫꦶꦏꦭꦤ꧀ꦤꦺꦱꦼꦝꦼꦁꦱꦩꦶꦲꦱꦶꦃꦲꦶꦁꦏꦁꦱ꧀ꦮꦫꦱꦏꦼꦝꦥ꧀ꦮꦸꦱ꧀ꦱꦶꦂꦤꦢꦺꦢꦺꦥꦼꦏ꧀ꦱꦶꦱꦪꦼꦏ꧀ꦠꦶ‍ꦤ꧀ꦤꦺꦗꦠꦶꦤꦶꦫꦲꦾꦁꦓꦸꦫꦸꦭꦮꦤ꧀ꦢꦺꦮꦶꦲꦸꦩꦲꦮꦂꦤꦶꦥꦼꦏ꧀ꦱꦶꦏꦂꦪꦉꦚ꧀ꦕꦤꦩꦿꦶꦁꦱꦶꦫꦯꦁꦦꦿꦨꦸꦱꦁꦏꦶꦤ꧀ꦥꦿꦒ꧀ꦚꦲꦶꦁꦮꦂꦢꦪꦲꦕꦁꦏꦿꦩ‍ꦏꦺꦃꦱꦁꦏꦭꦲꦟ꧀ꦝꦠꦼꦁꦔꦶꦟꦫꦟꦡꦔꦤ꧀ꦢꦶꦏ
6rikalane sêdhêng sami asih / ingkang swara sakêdhap wus sirna / dede pêksi sayêktine / jatinira Hyang Guru / lawan Dèwi Uma awarni / pêksi karya rêncana / mring sira sang prabu / sangkin pragnya ing wardaya / acangkrama kwèh sangkala andhatêngi / naranata ngandika
ꦏꦏꦁꦩꦢꦿꦶꦩ꧀ꦱꦸꦤ꧀ꦠꦤ꧀ꦤꦂꦰꦩꦸꦭꦶꦃꦔꦶꦤꦼꦥ꧀ꦲꦤꦲꦶꦁꦠꦩꦤ꧀ꦧꦒꦺꦟ꧀ꦝꦲꦥꦠꦶꦃꦲꦠꦸꦂꦱꦼꦩ꧀ꦧꦃꦲꦺꦲꦸꦩꦶꦫꦶꦁꦲꦶꦁꦱꦏꦪꦸꦤ꧀‍ꦱꦸꦫꦸꦥ꧀ꦱꦁꦲꦾꦁꦏꦸꦭꦤ꧀ꦢꦫꦒ꧀ꦤꦶꦒꦶꦤꦤ꧀ꦠꦾꦤ꧀ꦲꦶꦁꦱꦱꦺꦴꦁꦏꦤꦶꦤ꧀ꦢꦾꦩꦤ꧀ꦠꦿꦶꦩꦸꦤ꧀ꦢꦸꦂꦱꦏꦶꦁꦔꦂꦱꦤ꧀ꦤꦶꦁꦟꦫꦺꦟ꧀ꦢꦿꦲꦱꦸꦮꦫꦲꦶꦁꦮꦢꦾꦲꦺꦃꦥꦿꦢꦶꦦꦡꦶꦏꦧꦺꦃꦥꦝꦱꦲꦺꦴꦱ꧀ꦱ
7akang Madrim sun tan arsa mulih / nginêp ana ing taman Bagendha / apatih atur sêmbahe / umiring ing sakayun / surup sang Hyang Kulandaragni / ginantyan ing sasăngka / nindya mantri mundur / saking ngarsaning narendra / asuwara ing wadya hèh pra dipati / kabèh padha saosa
ꦢꦶꦥꦸꦤ꧀ꦱꦩꦶꦥꦿꦪꦶꦠ꧀ꦤꦲꦶꦁꦮꦺꦰ꧀ꦛꦶꦲꦗꦥꦶꦱꦃꦱꦒꦼꦒꦩꦤ꧀ꦤꦶꦫꦮꦿꦸꦃꦲꦤ꧀ꦤꦶꦫꦏꦺꦴꦚ꧀ꦕꦏ‍ꦧꦺꦃꦒꦸꦱ꧀ꦠꦶꦤ꧀ꦠꦯꦁꦔꦦꦿꦨꦸꦲꦚꦸꦮꦤ꧀ꦤꦶꦯꦁꦟꦓꦓꦶꦟꦶꦢꦺꦤ꧀ꦚꦲꦤ꧀ꦢꦺꦴꦤ꧀ꦲꦱ꧀ꦩꦫꦲꦶꦁꦮꦠꦫꦤ꧀ꦤꦶꦁꦱꦸꦤ꧀‌ꦭꦫꦠꦾꦱ꧀ꦱꦺꦢꦺꦤꦺꦧꦺꦝꦁꦔꦶꦫꦩꦠꦶꦏꦠꦤ꧀ꦢꦸꦏ꧀ꦲꦶꦁꦮꦫꦱ꧀ꦠꦿꦗꦶꦱꦺꦱ꧀ꦠꦸꦤꦶꦫꦯꦁꦱꦂꦥ
8dipun sami prayitna ing wèsthi / aja pisah sagêgamanira / wruhanira kănca kabèh / gustinta sang aprabu / anyuwani sang Nagagini / dènnya andon asmara / ing wataraningsun / lara tyase dene bedhang- / ira mati katanduk ing warastraji / sèstunira sang sarpa
ꦢꦠꦤ꧀ꦮꦤ꧀ꦢꦺꦲꦮꦢꦸꦭ꧀ꦩꦿꦶꦁꦭꦏꦶꦱꦲꦸꦗꦂ‍ꦫꦺꦪꦏ꧀ꦠꦶꦥꦶꦤꦿꦕꦪꦩꦿꦶꦁꦥꦿꦶꦪꦠꦤ꧀ꦮꦿꦸꦃꦥꦸꦂꦮ‍ꦤ꧀ꦤꦺꦏꦿꦺꦴꦝꦲꦶꦁꦠꦼꦩꦃꦲꦶꦥꦸꦤ꧀‌ꦯꦁꦦꦿꦡꦭꦲꦶꦁꦯꦿꦶꦧꦸꦦꦡꦶꦱꦒꦸꦁꦥꦫꦤꦪꦏꦢꦺꦤ꧀ꦥꦿꦪꦶꦠ꧀ꦤꦺꦁꦏꦺꦮꦸꦃꦟꦓꦦꦿꦡꦭꦏꦮꦱꦲꦤꦸꦁꦢꦶꦧꦾꦧꦶꦱꦔꦩ꧀ꦧꦃꦲꦒꦭ꧀ꦉꦩ꧀ꦥꦶꦠ꧀‌ꦲꦱꦏ꧀ꦠꦶꦩꦺꦴꦤ꧀ꦢꦿꦒꦸꦤ
9datan wande awadul mring laki / saujare yakti pinracaya / mring priya tan wruh purwane / krodha ing têmahipun / sang Pratala ing sri bupati / sagung para nayaka / dèn prayitnèng kewuh / Nagapratala kawasa / anung dibya bisa ngambah agal rêpit / asakti măndraguna
꧑꧐ꦱꦩꦾꦩꦠꦸꦂꦱꦤ꧀ꦢꦶꦏꦥꦿꦩꦤ꧀ꦠꦿꦶꦥꦿꦤꦪꦏꦯꦶꦒꦿꦲꦱꦮꦺꦒꦩꦶꦮꦃꦥꦫꦥꦿꦮꦶꦫꦤ꧀ꦤꦺꦲꦼꦤ꧀ꦤꦼꦁꦔꦼꦤ꧀ꦤꦯꦁꦦꦿꦨꦸꦮꦺꦴꦤ꧀ꦠꦼꦤ꧀ꦲꦶꦁꦏꦁꦮꦶꦤꦂꦤꦩꦭꦶꦃꦧꦸꦩꦶꦟꦡꦫꦏ꧀ꦱꦱꦲꦱꦏ꧀ꦠꦶꦏꦥꦸꦚ꧀ꦗꦸꦭ꧀‍ꦏꦁꦥꦸꦫꦲꦶꦁꦤꦒꦿꦶꦧꦏꦲꦗꦼꦗꦸꦭꦸꦏ꧀ꦩꦃꦲꦫꦗꦏꦭꦮꦼꦂꦢꦡꦶꦩꦁꦏꦤꦕꦶꦤ꧀ꦤꦫꦶꦠ
10samya matur sandika pra mantri / pra nayaka sigra asawega / miwah para prawirane / ênêngêna sang prabu / wontên ingkang winarna malih / Buminata raksasa / asakti pinunjul / kang pura ing nagri Baka / ajêjuluk Mahraja Kalawêrdati / mangkana cinarita
꧑꧑ꦠꦼꦝꦏ꧀ꦏꦶꦫꦦꦿꦨꦸꦏꦭꦯꦽꦁꦓꦶꦏꦁꦥꦿꦭꦪꦢꦺꦯꦁꦢꦤ꧀ꦤꦚ꧀ꦗꦪꦏꦭꦮꦼꦂꦢꦡꦶꦱꦩꦼꦤ꧀ꦤꦺꦲꦂꦰꦲꦩꦊꦱ꧀ꦲꦸꦏꦸꦩ꧀‌ꦩꦿꦶꦁꦠꦿꦃꦲꦶꦫꦲꦂꦗꦸꦤꦢꦢꦶꦲꦠꦿꦶꦮꦶꦏꦿꦩꦮꦂꦤꦮꦤꦺꦴꦢꦾꦪꦸꦭꦸꦲꦸꦁꦱꦢꦱꦶꦃꦲꦺꦕꦠꦸꦂꦢꦱꦥꦿꦥ꧀ꦠꦤ꧀ꦤꦶꦫꦺꦁꦩꦭꦮꦏꦥꦱꦁꦪꦺꦴꦒꦶꦟꦡꦭꦒꦾꦥꦼꦥꦫ
11têdhakira Prabu Kalasrênggi / kang pralaya de Sang Dananjaya / Kalawêrdati samêne / arsa amalês ukum / mring trahira Arjuna dadi / atriwikrama warna / wanodyayu luhung / sadasihe catur dasa / praptanirèng Malawa kapasang yogi / nata lagya pêpara
꧑꧒ꦤꦺꦁꦮꦼꦢꦫꦶꦱꦶꦫꦮꦸꦱ꧀ꦲꦸꦢꦤ꧀ꦤꦶꦢꦶꦠꦾꦫꦗꦲꦚ꧀ꦗꦸꦗꦸꦒ꧀ꦲꦶꦁꦠꦩꦤ꧀‌ꦲꦚꦶꦢꦿꦟꦡꦱꦼꦢꦾꦤ꧀ꦤꦺꦲꦶꦁꦮꦪꦃꦠꦼꦔꦃꦢꦭꦸꦥꦠꦶꦃꦧꦛꦶꦏ꧀ꦩꦢꦿꦶꦩ꧀ꦮꦶꦤꦂꦤꦶꦢꦠꦤ꧀ꦲꦺꦕꦲꦶꦁꦢꦿꦶꦪꦥꦔꦂꦠꦶꦏꦤꦶꦥꦸꦤ꧀‌ꦲꦥꦮꦲꦤ꧀ꦤꦤ꧀ꦤꦺꦧꦪꦱꦺꦴꦠꦤ꧀ꦤꦶꦁꦠꦾꦱ꧀ꦱꦱꦺꦴꦫꦺꦲꦱꦼꦤ꧀ꦤꦶꦒ꧀ꦱꦼꦤ꧀ꦤꦶꦒ꧀‍ꦏꦶꦥꦠꦶꦃꦢꦾꦤ꧀ꦠꦸꦩꦼꦝꦏ꧀
12nèng wêdari sira wus udani / ditya raja anjujug ing taman / anyidra nata sêdyane / ing wayah têngah dalu / Patih Bathikmadrim winarni / datan eca ing driya / pangartikanipun / apa wahanane baya / sotaning tyas sasore asênig-sênig / ki patih dyan tumêdhak
꧑꧓ꦏꦁꦔꦏꦼꦩꦶꦠ꧀ꦱꦢꦪꦮꦸꦱ꧀ꦒꦸꦭꦶꦁꦢꦺꦏꦠꦩꦤ꧀ꦲꦶꦁꦥꦔꦫꦶꦧꦮꦲꦂꦢꦥꦱꦁꦱꦶꦱꦶꦉꦥ꧀ꦥꦺꦲꦥꦠꦶꦃꦲꦭꦺꦴꦤ꧀ꦩꦸꦮꦸꦱ꧀‌ꦭꦃꦠꦲꦥꦮꦢꦶꦤꦺꦲꦶꦏꦶꦢꦺꦤ꧀ꦤꦺꦏꦪꦠꦶꦤꦸꦧꦮꦺꦴꦁꦏ‍ꦧꦺꦃꦲꦠꦸꦫꦸꦲꦥꦯꦶꦟꦓꦦꦿꦡꦭꦩꦱꦁꦱꦶꦉꦥ꧀ꦲꦂꦰꦚꦶꦢꦿꦯꦿꦶꦧꦸꦦꦡꦶꦲꦶꦪꦧꦶꦭꦲꦶꦱꦶꦫ
13kang akêmit sadaya wus guling / de kataman ing pangaribawa / ardapasa sêsirêpe / apatih alon muwus / lah ta apa wadine iki / dene kaya tinuba / wong kabèh aturu / apa Si Nagapratala / masang sirêp arsa nyidra sri bupati / iya bilai sira
꧑꧔ꦭꦃꦲꦶꦁꦔꦼꦤ꧀ꦢꦶꦢꦺꦴꦤ꧀ꦤꦶꦫꦏꦥꦁꦒꦶꦃꦭꦮꦤ꧀ꦤꦒꦱꦸꦤ꧀ꦩꦺꦴꦁꦱꦮꦼꦢꦶꦪꦩꦶꦗꦶꦭ꧀ꦏꦾꦥꦠꦶꦃꦪꦶꦠ꧀ꦤꦤꦺꦲꦚꦁꦏꦶꦁꦭꦫꦱ꧀ꦱꦶꦥꦸꦤ꧀‌ꦢꦠꦤ꧀ꦤꦤꦮꦢꦾꦲꦸꦢꦤ꧀ꦤꦶꦥꦿꦥ꧀ꦠꦺꦁꦗꦮꦶꦤ꧀ꦤꦶꦁꦠꦩꦤ꧀‍ꦠꦼꦏꦫꦔꦸꦫꦔꦸꦪꦠꦲꦶꦁꦏꦁꦏꦮꦂꦤꦲꦱꦶꦫꦦꦿꦨꦸꦏꦭꦮꦼꦂꦢꦡꦶꦢꦾꦤ꧀ꦥꦿꦥ꧀ꦠꦶꦩꦏ꧀ꦱꦶꦃꦮꦂꦤꦮꦤꦺꦴꦢꦾ
14lah ing ngêndi donira kapanggih / lawan naga sun măngsa wêdia / mijil kya patih yitnage / anyangking larasipun / datan ana wadya udani / praptèng jawining taman / têka rangu-rangu / ya ta ingkang kawarnaa / sira Prabu Kalawêrdati dyan prapti / maksih warna wanodya
꧑꧕ꦮꦁꦮꦁꦕꦸꦟ꧀ꦝꦸꦏ꧀ꦭꦤ꧀ꦉꦏꦾꦤꦥꦠꦶꦃꦲꦭꦺꦴꦤ꧀ꦠꦤ꧀ꦚꦱꦶꦫꦺꦏꦸꦮꦺꦴꦁꦔꦥꦢꦭꦸꦢꦭꦸꦥꦿꦥ꧀ꦠꦺꦁ‍ꦏꦺꦤꦺꦏꦁꦠꦶꦤꦤ꧀ꦚꦱꦸꦩꦲꦸꦂꦲꦶꦁꦱꦸꦤ꧀ꦲꦶꦏꦶꦲꦺꦟ꧀ꦝꦁꦱꦶꦁꦮꦸꦏꦶꦂꦩꦂꦩꦠꦸꦩꦿꦃꦩꦿꦶꦁꦥꦿꦗꦱꦼꦢꦾꦤ꧀ꦤꦶꦁꦱꦸꦤ꧀ꦩꦸꦲꦸꦁꦲꦂꦰꦔꦸꦁꦒꦃꦲꦶꦩꦃꦫꦗꦲꦁꦔ꧀ꦭꦶꦁꦢꦂꦩꦏꦕꦫꦶꦠꦱꦏꦶꦁꦮꦸꦏꦶꦂꦪꦺꦤ꧀ꦠꦼꦝꦏ꧀ꦏꦶꦁꦲꦂꦗꦸꦟ꧀ꦤ
15wangwang cundhuk lan rakyana patih / alon tanya sirèku wong apa / dalu-dalu praptèng kene / kang tinanya sumaur / ingsun iki endhang sing wukir / marma tumrah mring praja / sêdyaningsun muhung / arsa ngunggahi Mahraja / Anglingdarma kacarita saking wukir / yèn têdhaking Arjuna
꧑꧖ꦥꦠꦶꦃꦩꦢꦿꦶꦩ꧀ꦲꦔꦤ꧀ꦢꦶꦏꦲꦫꦶꦱ꧀‍‌ꦲꦶꦪꦲꦶꦁꦱꦸꦤ꧀ꦫꦗꦲꦁꦔ꧀ꦭꦶꦁꦢꦂꦩꦲꦺꦱ꧀ꦠꦸꦠꦿꦃꦲꦶꦁꦲꦂꦗꦸꦟ꧀ꦤꦤꦺꦪꦺꦤ꧀ꦱꦶꦫꦠꦸꦲꦸꦠꦸꦲꦸꦲꦔꦸꦁꦒꦃꦲꦶꦲꦶꦁꦗꦼꦤ꧀ꦤꦼꦁꦩꦩꦶꦭꦃꦱꦶꦫꦩꦤꦼꦩ꧀ꦧꦃꦲꦤꦸꦁꦏꦼꦩ꧀ꦩꦤꦱꦸꦏꦸꦏꦁꦩꦶꦟ꧀ꦝꦲꦺꦱ꧀ꦠꦿꦶꦲꦭꦠꦃꦱꦤꦭꦶꦏꦩꦸꦭꦶꦃꦮꦂꦤꦫꦏ꧀ꦱꦱꦁꦔꦿꦶꦏ꧀‍‌ꦱꦮꦢꦾꦏꦮꦤ꧀ꦢꦱ
16Patih Madrim angandika aris / iya ingsun Raja Anglingdarma / èstu trahing Arjunane / yèn sira tuhu-tuhu / angunggahi ing jênêng mami / lah sira manêmbaha / nungkêmana suku / kang mindha èstri alatah / sanalika mulih warna raksasangrik / sawadya kawan dasa
꧑꧗ꦯꦁꦪꦏ꧀ꦱꦺꦟ꧀ꦢꦿꦮꦸꦱ꧀ꦲꦥꦸꦂꦤꦗꦠꦶꦏꦭꦫꦸꦥꦒꦺꦴꦫꦪꦥꦿꦏꦺꦴꦱꦒꦺꦴꦝꦺ‍ꦒ꧀ꦮꦺꦴꦏ꧀ꦱꦶꦩ꧀ꦧꦂꦗꦗꦤ꧀ꦤꦺꦤꦺꦠꦿꦭꦶꦂꦱꦸꦂꦪꦩꦼꦠꦸꦝꦿꦰ꧀ꦛꦥꦶꦔꦺꦩꦶꦔꦶꦱ꧀ꦢꦺꦤ꧀ꦲꦶꦱꦶꦱ꧀‍‌ꦠꦶꦤꦺꦴꦤ꧀ꦭꦶꦂꦧꦿꦗꦠꦶꦏ꧀ꦱ꧀ꦤꦱꦂꦪꦁꦔꦿꦶꦏ꧀ꦲꦩꦸꦮꦸꦱ꧀‍‌ꦏꦩꦪꦁꦔꦤ꧀ꦲꦁꦔ꧀ꦭꦶꦁꦢꦂꦩꦱꦶꦫꦥꦁꦒꦶꦃꦭꦮꦤ꧀ꦲꦶꦁꦱꦸꦤ꧀ꦥꦝꦱꦶꦗꦶꦱꦼꦝꦼꦁꦫꦺꦴꦏ꧀ꦧꦺꦴꦤ꧀ꦢꦮꦭ
17sang yaksendra wus apurna jati / kala rupa goraya prakosa / godhèg wok simbar jajane / netra lir surya mêtu / dhrastha pinge mingis dèn isis / tinon lir braja tiksna / saryangrik amuwus / kamayangan Anglingdarma / sira panggih lawan ingsun padha siji / sêdhêng rok băndawala
꧑꧘ꦥꦿꦥ꧀ꦠꦤ꧀ꦤꦶꦁꦱꦸꦏ꧀ꦲꦂꦰꦲꦤꦤꦒꦶꦃꦩꦫꦁꦱꦶꦫꦝꦶꦲꦶꦤ꧀ꦲꦸꦠꦁꦥꦼꦗꦃꦭꦸꦭꦸꦲꦸꦂꦲꦶꦁꦱꦸꦤ꧀ꦥꦠꦶꦤ꧀ꦤꦺꦏꦭꦯꦽꦁꦓꦶꦫꦤ꧀ꦤꦶꦥꦸꦤ꧀‍‌ꦭꦸꦭꦸꦲꦸꦂꦠꦲꦶꦁꦏꦁꦲꦔ꧀ꦭꦭꦶꦱ꧀‍ꦏꦁꦲꦫꦤ꧀ꦢꦤ꧀ꦤꦚ꧀ꦗꦪꦪꦏ꧀ꦠꦶꦩꦼꦁ‍ꦏꦺꦴꦲꦶꦁꦱꦸꦤ꧀‍ꦲꦤꦒꦶꦃꦩꦫꦁꦲꦶꦁꦱꦶꦫꦲꦸꦭꦸꦁꦔꦼꦤ꧀ꦤꦥꦠꦶꦲꦸꦫꦶꦥ꧀ꦥꦶꦫꦲꦒ꧀ꦭꦶꦱ꧀‍ꦏꦒꦾꦠ꧀ꦲꦥꦠꦶꦃꦩꦺꦴꦗꦂ
18praptaningsun arsa anênagih / marang sira dhihin utang pêjah / lêluhur ingsun patine / Kalasrênggi ranipun / lêluhur ta ingkang anglalis / kang aran Dananjaya / yakti mêngko ingsun / anagih marang ing sira / ulungêna pati uripira aglis / kagyat apatih mojar
꧑꧙ꦩꦫꦱꦶꦫꦠꦼꦏꦏ꧀ꦤꦫꦱꦏ꧀ꦱꦶꦧꦸꦢꦶꦤꦶꦫꦔꦪꦺꦴꦤ꧀ꦤꦶꦩꦫꦶꦁꦮꦁꦲꦶꦪꦱꦸꦤ꧀ꦏꦼꦩ꧀ꦧꦂꦫꦶꦝꦺꦮꦺꦲꦥꦠꦒꦼꦒꦩꦤ꧀ꦩꦸꦠꦩꦏ꧀ꦲꦼꦤ꧀ꦤꦲꦶꦁꦲꦮꦏ꧀ꦩꦩꦶꦫꦏ꧀ꦱꦱꦺꦟ꧀ꦢꦿꦧꦿꦩꦤ꧀ꦠꦾꦱꦫꦺꦴꦱꦲꦤꦸꦧꦿꦸꦏ꧀‍ꦱꦶꦔ꧀ꦲꦤꦧ꧀ꦢꦱꦂꦮꦶꦔꦼꦫꦃꦥꦤꦲꦸꦠ꧀ꦠꦺꦲꦔꦸꦏꦶꦃꦒꦸꦒꦸꦭꦸꦲꦶꦫꦶꦁꦧꦛꦶꦏ꧀ꦩꦢꦿꦶꦩ꧀ꦲꦭꦠꦃ
19mara sira têkakna rasaksi / budinira ngayoni maringwang / iya sun kêmbari dhewe / apa ta gêgamanmu / tamakêna ing awak mami / raksasendra bramatya / sarosa anubruk / sing anabda sarwi ngêrah / panaute angukih gêgulu iring / Bathikmadrim alatah
꧒꧐ꦲꦸꦕꦸꦭ꧀ꦭꦼꦤ꧀ꦤꦒꦸꦭꦸꦤꦶꦁꦱꦸꦤ꧀ꦲꦚ꧀ꦗꦶꦁꦏꦼꦫꦶꦠꦼꦩꦼꦤ꧀ꦲꦶꦁꦱꦸꦤ꧀ꦤꦺꦴꦫꦱꦺꦴꦠꦃꦲꦶꦊꦂꦫꦶꦫꦠꦶꦁꦢꦭꦺꦮꦺꦂꦧꦭꦶꦏ꧀ꦏꦠ꧀ꦒꦤ꧀ꦤꦶꦫꦺꦏꦸꦭꦃꦠꦫꦶꦏ꧀ꦏꦼꦤ꧀ꦠꦩꦏ꧀ꦤꦺꦁꦩꦩꦶꦝꦿꦰ꧀ꦛꦤ꧀ꦠꦠꦤ꧀ꦥꦏꦂꦪꦠꦤ꧀ꦠꦸꦩꦩꦩꦿꦶꦁꦱꦸꦤ꧀‍ꦏꦭꦮꦼꦂꦢꦡꦾꦂꦢꦏꦿꦺꦴꦝꦱꦶꦒꦿꦤꦫꦶꦏ꧀ꦧꦝꦩꦩꦼꦫꦁꦲꦤ꧀ꦤꦶꦠꦶꦂꦩꦢꦿꦶꦩ꧀ꦠꦩꦤ꧀ꦮꦶꦒꦠ
20uculêna guluningsun anjing / kêri têmên ingsun ora sotah / ilêrira ting dalèwèr / balik katganirèku / lah tarikên tamaknèng mami / dhrasthanta tanpa karya / tan tumama mringsun / Kalawêrdatyarda krodha / sigra narik badhama mêrang anitir / Madrim taman wigata
꧒꧑ꦢꦾꦤ꧀ꦮꦶꦤꦊꦱ꧀ꦱꦁꦏꦭꦮꦼꦂꦢꦡꦶꦠꦶꦤ꧀ꦤꦩ꧀ꦥꦶꦭꦶꦁꦩꦸꦏꦤ꧀ꦤꦶꦫꦧꦼꦚ꧀ꦕꦃꦱꦸꦩꦩ꧀ꦧꦸꦫꦠ꧀ꦫꦸꦢꦶꦫꦤ꧀ꦤꦺꦯꦁꦢꦤ꧀ꦤꦮꦺꦟ꧀ꦢꦿꦭꦩ꧀ꦥꦸꦱ꧀‍ꦮꦢꦾꦤ꧀ꦤꦶꦫꦱꦢꦪꦱꦩꦶꦤꦫꦗꦁꦩꦿꦶꦁꦲꦥꦠꦾꦩꦢꦿꦶꦩ꧀ꦒꦶꦤꦫꦸꦩꦸꦁꦏꦶꦤ꧀ꦤꦼꦩ꧀ꦧꦸꦭ꧀ꦭꦤ꧀ꦲꦶꦁꦢꦤ꧀ꦤꦮꦏꦮꦤ꧀ꦢꦱꦫꦸꦢꦿꦥꦉꦁꦤꦼꦩ꧀ꦥꦸꦃꦮꦤ꧀ꦤꦶꦏꦒꦾꦠ꧀ꦲꦥꦠꦶꦃꦩꦺꦴꦗꦂ
21dyan winalês Sang Kalawêrdati / tinampiling mukanira bêncah / sumamburat rudirane / Sang Danawendra lampus / wadyanira sadaya sami / narajang mring apatya / Madrim ginarumung / kinêmbulan ing danawa / kawan dasa rudra parêng nêmpuh wani / kagyat apatih mojar
꧒꧒ꦠꦝꦃꦲꦤꦗꦼꦩ꧀ꦥꦫꦶꦁꦱꦸꦤ꧀ꦲꦶꦏꦶꦭꦶꦤ꧀ꦤꦼꦥꦱ꧀ꦱꦤ꧀ꦱꦏꦺꦃꦲꦶꦁꦫꦏ꧀ꦱꦱꦏꦮꦤ꧀ꦢꦱꦠꦸꦩ꧀ꦥꦼꦱ꧀ꦏꦧꦺꦃꦉꦏꦾꦤꦥꦠꦶꦃꦮꦁꦱꦸꦭ꧀‍ꦩꦿꦶꦁꦲꦸꦢꦾꦤꦮꦸꦱ꧀ꦧꦔꦸꦤ꧀ꦲꦺꦚ꧀ꦗꦶꦁꦮꦢꦾꦠꦔꦶꦱꦢꦪꦠꦤ꧀ꦤꦤꦏꦁꦮꦼꦫꦸꦃꦭꦩꦸꦤ꧀ꦩꦼꦤ꧀ꦠꦱ꧀ꦩꦔꦸꦤ꧀ꦪꦸꦢꦲꦾꦁꦔꦫꦸꦤ꧀ꦤꦮꦸꦱ꧀ꦩꦶꦗꦶꦭ꧀ꦱꦏꦺꦃꦲꦶꦁꦩꦤ꧀ꦠꦿꦶꦱꦸꦩꦺꦮꦏꦺꦁꦔꦂꦰꦺꦟ꧀ꦢꦿ
22tadhahana jêmparingsun iki / linêpasan sakèhing raksasa / kawan dasa tumpês kabèh / rakyana patih wangsul / mring udyana wus bangun enjing / wadya tangi sadaya / tan ana kang wêruh / lamun mêntas mangun yuda / Hyang Aruna wus mijil sakèhing mantri / sumewakèng ngarsendra
꧒꧓ꦏꦁꦢꦶꦥꦺꦴꦁꦒꦮꦸꦱ꧀ꦢꦺꦤ꧀ꦥꦭꦤꦤ꧀ꦤꦶꦪꦶꦠ꧀ꦤꦺꦁꦮꦢꦾꦧꦶꦭꦶꦃꦯꦁꦦꦩꦰꦏꦂꦰꦏꦺꦴꦤ꧀ꦢꦸꦂꦩꦿꦶꦁꦥꦸꦫꦤ꧀ꦤꦺꦏꦮꦂꦤꦲꦯꦁꦦꦿꦨꦸꦭꦒꦾꦮꦸꦔꦸꦢꦺꦤ꧀ꦤꦶꦫꦒꦸꦭꦶꦁꦔꦿꦲꦺꦴꦱ꧀ꦲꦺꦴꦤ꧀ꦤꦼꦁꦲꦶꦁꦒꦂꦮꦲꦔꦤ꧀ꦢꦶꦏꦲꦫꦸꦩ꧀‍ꦏꦏꦁꦩꦢꦿꦶꦩ꧀ꦱꦲꦺꦴꦱ꧀ꦱꦼꦤ꧀ꦤꦒꦗꦃꦲꦶꦁꦱꦸꦤ꧀ꦱꦤ꧀ꦢꦶꦏꦲꦠꦸꦂꦫꦶꦁꦥꦠꦶꦃꦱꦸꦩ‍ꦲꦺꦴꦱ꧀ꦏꦁꦱ꧀ꦮꦤ꧀ꦢꦤ
23kang dipăngga wus dèn palanani / yitnèng wadya bilih sang pamasa / karsa kondur mring purane / kawarnaa sang prabu / lagya wungu dènira guling / ngraos onêng ing garwa / angandika arum / kakang Madrim saosêna / gajah ingsun sandika aturing patih / sumaos kang swandana
꧒꧔ꦢꦾꦤ꧀ꦠꦼꦁꦔꦫꦲꦸꦩꦾꦁꦥꦫꦢꦱꦶꦃꦧꦸꦝꦭ꧀ꦮꦶꦗꦃꦮꦶꦗꦃꦲꦶꦁꦱꦩꦂꦒꦥꦸꦁꦒꦮꦥꦿꦩꦤ꧀ꦠꦿꦶꦲ‍ꦏꦺꦃꦲꦁꦒꦉꦧꦼꦒ꧀ꦲꦶꦁꦦꦿꦨꦸꦤꦺꦁꦱꦽꦁꦒꦤ꧀ꦤꦶꦁꦩꦠꦼꦁꦒꦲꦱꦿꦶꦭꦩ꧀ꦥꦃꦲꦶꦫꦟꦫꦺꦟ꧀ꦢꦿꦠꦤ꧀ꦲꦢꦔꦸꦫꦮꦸꦃꦲꦶꦁꦥꦿꦗꦱꦶꦒꦿꦲꦥꦠꦾꦲꦥ‍ꦫꦺꦤ꧀ꦠꦃꦩꦿꦶꦁꦱꦒꦸꦁꦥꦫꦧꦸꦦꦡꦶꦲꦪ꧀ꦮꦤꦠꦸꦫ꧀ꦮꦺꦁꦮꦶꦱ꧀ꦩ
24dyan têngara umyang para dasih / budhal wijah-wijah ing samarga / punggawa pra mantri akèh / anggarêbêg ing prabu / nèng srêngganing matêngga asri / lampahira narendra / tan adangu rawuh / ing praja sigra apatya / aparentah mring sagung para bupati / aywana turwèng wisma
꧒꧕ꦲꦱꦲꦺꦴꦱ꧀ꦱꦗꦿꦺꦴꦤ꧀ꦤꦶꦁꦥꦸꦫꦱꦩꦶꦢꦺꦤ꧀ꦥꦿꦪꦶꦠ꧀ꦤꦱꦶꦟꦓꦦꦿꦭꦱꦏ꧀ꦠꦶꦩꦚ꧀ꦗꦶꦁꦲꦗꦸꦂꦫꦗꦺꦂꦪꦺꦤ꧀ꦤꦤꦫꦸꦥꦱꦼꦤꦸꦏ꧀‍ꦧꦟ꧀ꦛꦺꦁꦏꦶꦢꦁꦏꦭꦮꦤ꧀ꦏꦚ꧀ꦕꦶꦭ꧀‍ꦩꦶꦮꦃꦪꦺꦤ꧀ꦫꦸꦥꦱꦂꦥꦠꦫꦗꦁꦔꦼꦤ꧀ꦲꦶꦏꦸꦥꦰ꧀ꦛꦶꦱꦶꦟꦓꦦꦿꦡꦭꦥꦤ꧀ꦱꦶꦤꦏ꧀ꦠꦶꦧꦫꦁꦱꦕꦶꦥ꧀ꦠꦤ꧀ꦤꦺꦢꦢꦶꦱꦩꦾꦩꦠꦸꦂꦱꦤ꧀ꦢꦶꦏ
25asaosa jroning pura sami / dèn prayitna Si Nagapratala / sakti manjing ajur-ajèr / yèn ana rupa sênuk / banthèng kidang kalawan kancil / miwah yèn rupa sarpa / tarajangên iku / pasthi Si Nagapratala / pan sinakti barang saciptane dadi / samya matur sandika
꧒꧖ꦥꦿꦤꦪꦏꦠꦤ꧀ꦤꦤꦲꦸꦩꦸꦭꦶꦃꦯꦿꦶꦟꦫꦺꦟ꧀ꦢꦿꦥꦿꦥ꧀ꦠꦺꦁꦥꦤꦁꦏꦶꦭ꧀ꦭꦤ꧀‍ꦠꦼꦝꦏ꧀ꦱꦏꦶꦁꦮꦲꦤ꧀ꦤꦤ꧀ꦤꦺꦏꦮꦂꦤꦲꦯꦁꦔꦪꦸꦢꦺꦮꦶꦱꦼꦠꦾꦒꦂꦮꦤ꧀ꦤꦶꦫꦗꦶꦏꦭꦱꦩꦤꦭꦒꦾꦭꦸꦁꦒ꧀ꦮꦺꦁꦥꦤ꧀ꦠꦶꦲꦫꦸꦩ꧀‍ꦲꦶꦁꦔꦪꦥ꧀ꦢꦺꦤ꧀ꦤꦶꦁꦥꦮꦺꦴꦁꦔꦤ꧀‍ꦤꦶ‍ꦏꦺꦤ꧀ꦲꦶꦚꦩꦟ꧀ꦝꦭꦢꦠꦤ꧀ꦲꦠꦼꦧꦶꦃꦲꦔꦤ꧀ꦢꦶꦏꦯꦁꦉꦠ꧀ꦤ‍
26pra nayaka tan ana umulih / sri narendra praptèng panangkilan / têdhak saking wahanane / kawarnaa sang ayu / Dèwi Sêtya garwaniraji / kala samana lagya / lunggwèng panti arum / ingayap dening pawongan / nikèn inya Mandhala datan atêbih / angandika sang rêtna
꧒꧗ꦧꦶꦪꦁꦲꦶꦚꦯꦁꦟꦡꦤꦺꦁꦔꦼꦤ꧀ꦢꦶꦩꦠꦸꦂꦤꦼꦩ꧀ꦧꦃꦭꦶꦁꦒꦂꦲꦥꦥꦫꦲꦁꦒꦼꦫꦶꦠ꧀ꦱꦁꦱꦩ꧀ꦭꦤ꧀ꦧ‍ꦟ꧀ꦛꦺꦁꦝꦸꦩꦠꦼꦁꦲꦶꦁꦮꦤꦒꦸꦁꦲꦔꦤ꧀ꦢꦶꦏꦯꦁꦭꦶꦂꦲꦥ꧀ꦱꦫꦶꦲꦶꦁꦱꦸꦤ꧀ꦢꦺꦤ꧀ꦠꦶꦩ꧀ꦧꦭ꧀ꦭꦤꦠꦸꦩꦸꦠꦸꦂꦯꦁꦦꦿꦨꦸꦱꦥꦸꦁꦏꦸꦂꦫꦺꦒꦸꦱ꧀ꦠꦶꦤꦶꦫꦫꦱꦤꦶꦁꦠꦾꦱ꧀ꦲꦺꦴꦤ꧀ꦤꦼꦁꦏꦪꦒꦺꦪꦥꦿꦥ꧀ꦠꦶꦏꦥꦺꦔꦶꦤ꧀ꦱꦥꦺꦴꦕꦥ꧀ꦥꦤ꧀
27biyang inya sang nata nèng ngêndi / matur nêmbah linggar apêpara / anggêrit sangsam lan banthèng / dhumatêng ing wana gung / angandika sang lir apsari / ingsun dèn timbalana / tumutur sang prabu / sapungkure gustinira / rasaning tyas onêng kayage aprapti / kapengin sapocapan
꧒꧘ꦲꦶꦁꦱꦸꦤ꧀ꦔꦿꦱꦭꦺꦤ꧀ꦲꦭꦏꦶꦒꦸꦱ꧀ꦠꦶꦤꦶꦩꦟ꧀ꦝꦭꦱꦸꦏꦲꦠꦸꦂꦱꦼꦩ꧀ꦧꦃꦪꦺꦤ꧀ꦫꦮꦸꦃꦯꦁꦟꦡꦩꦁꦏꦺꦥꦢꦸꦏꦪꦺꦴꦒꦾꦩꦼꦛꦸꦏ꧀‍ꦤꦺꦁꦮꦶꦮꦫꦱꦂꦗꦸꦯꦁꦢꦺꦮꦶꦱꦲꦠꦸꦂꦫꦺꦤꦶꦲꦶꦚꦏꦱꦫꦸꦯꦁꦦꦿꦨꦸꦫꦮꦸꦃꦏꦁꦮꦢꦾꦒꦸꦩꦼꦫꦃꦲꦤꦺꦁꦗꦧꦯꦿꦶꦟꦡꦠꦸꦩꦩꦺꦁꦥꦸꦫꦶꦒꦂꦮꦩꦼꦛꦸꦏ꧀ꦲꦶꦁꦢ꧀ꦮꦫ
28ingsun ngrasa yèn alaki gusti / Ni Mandhala suka atur sêmbah / yèn rawuh sang nata mangke / paduka yogya mêthuk / nèng wiwara sarju sang dèwi / saature ni inya / kasaru sang prabu / rawuh kang wadya gumêrah / anèng jaba sri nata tumamèng puri / garwa mêthuk ing dwara
꧒꧙ꦥꦫꦺꦒꦺꦴꦭ꧀ꦭꦤ꧀ꦩꦟ꧀ꦝꦼꦒ꧀ꦤꦶꦏꦼꦭ꧀ꦮꦂꦠꦶꦠꦤ꧀ꦢꦾꦔꦸꦱ꧀ꦮꦥꦢꦤ꧀ꦤꦶꦫꦺꦁꦥꦿꦶꦪꦯꦿꦶꦟꦡꦏꦥꦶꦠꦺꦁꦠꦾꦱ꧀ꦱꦺꦒꦂꦮꦭꦭꦸꦱꦶꦤꦩ꧀ꦧꦸꦠ꧀‍ꦲꦱ꧀ꦠꦤ꧀ꦤꦶꦫꦏꦶꦤꦟ꧀ꦛꦶꦏꦟ꧀ꦛꦶꦮꦶꦤ꧀ꦤꦮꦺꦁꦏꦼꦤ꧀ꦚꦥꦸꦫꦥꦶꦤ꧀ꦤꦫ‍ꦏ꧀ꦤꦺꦁꦧꦧꦸꦠ꧀‌ꦲꦠꦫꦥ꧀ꦥꦫꦧꦶꦪꦢꦲꦸꦩꦉꦏ꧀ꦲꦶꦁꦟꦡꦩꦶꦮꦃꦥꦫꦧꦶꦧꦶꦲꦟ꧀ꦝꦺꦂꦩꦸꦁꦒꦶꦁꦧꦾꦤ꧀ꦠꦫ
29paregolan madhêg nikêl warti / tandya nguswa padanirèng priya / sri nata kapitèng tyase / garwa lalu sinambut / astanira kinanthi-kanthi / winawèng kênya pura / pinarak nèng babud / atarap para biyada / umarêk ing nata miwah para bibi / andhèr munggwing byantara
꧓꧐ꦥꦩꦮꦶꦤ꧀ꦠꦁꦱꦏꦺꦃꦥꦫꦥꦸꦠꦿꦶꦏꦸꦱꦸꦩꦤ꧀ꦤꦶꦁꦔꦂꦒꦥꦩꦮꦸꦭꦤ꧀‍ꦲꦤ꧀ꦤꦼꦭꦃꦲꦶꦲꦸꦗ꧀ꦮꦭꦤ꧀ꦤꦺꦠꦤ꧀ꦱꦺꦁꦥꦁꦏꦺꦴꦤ꧀ꦤꦶꦁꦏꦏꦸꦁꦱꦏꦩꦤ꧀ꦠꦾꦤ꧀ꦱꦸꦏꦠꦾꦱ꧀ꦲꦗꦶꦯꦁꦢꦾꦃꦠꦤ꧀ꦱꦃꦏꦶꦤꦸꦱ꧀ꦮꦫꦶ‍ꦤ꧀ꦤꦺꦴꦧ꧀ꦧꦤ꧀ꦥꦔꦿꦸꦔꦿꦸꦩ꧀‍ꦱꦶꦤ꧀ꦤꦩ꧀ꦧꦸꦠ꧀ꦒꦶꦤ꧀ꦤꦮꦺꦁꦠꦶꦭꦩ꧀‍ꦥꦫꦲꦶꦚꦱꦏ꧀ꦱꦤꦲꦠꦁꦏꦼꦧ꧀ꦱꦩꦶꦂꦩꦸꦤ꧀ꦢꦸꦂꦥꦫꦧꦶꦪꦢ
30pama wintang sakèh para putri / kusumaning arga pama wulan / anêlahi ujwalane / tansèng pangkoning kakung / sakamantyan suka tyas aji / sang dyah tansah kinuswa / rinoban pangrungrum / sinambut winawèng tilam / para inya saksana atangkêb samir / mundur para biyada