Serat Imam Nawawi
Pupuh V: Sinom
Berkas ini diakses dari budiarto.id pada tanggal 16 Jul 2020. Silakan pindai kode QR di samping untuk mengakses laman daring.
Pupuh V: Sinom
Berkas ini diakses dari budiarto.id pada tanggal 16 Jul 2020. Silakan pindai kode QR di samping untuk mengakses laman daring.
| ꧑ | ꧅ꦧ꧀ꦖ꧅ꦮꦺꦴꦁꦔꦶꦏꦲꦭꦺꦴꦤ꧀ꦱꦲꦸꦂꦚꦴꦲꦺꦃꦏꦮꦸꦭꦤ꧀ꦤꦶꦁꦲꦾꦁꦮꦶꦢ꧀ꦝꦷꦏꦮꦸꦭꦠꦸꦠꦸꦂꦏꦺꦮꦭ꧈ꦱꦪꦼꦏ꧀ꦠꦶꦤ꧀ꦤꦺꦲꦮꦏ꧀ꦩꦩꦷꦩꦂꦩꦠꦤ꧀ꦤꦤꦲꦸꦂꦫꦷꦲꦁꦔꦭꦥ꧀ꦥꦺꦴꦥꦃꦮꦏ꧀ꦏꦶꦁꦱꦹꦤ꧀ꦲꦔꦸꦫꦸꦧ꧀ꦧꦏꦼꦤ꧀ꦩꦮꦴꦱꦏꦶꦁꦱꦁꦔꦼꦠ꧀ꦏꦮꦸꦭꦗꦿꦷꦃꦩꦼꦤ꧀ꦤꦪ꧀ꦮꦁꦱꦭ꧀ꦢꦺꦴꦱꦩꦿꦶꦁꦏꦁꦔꦭꦥ꧀ꦥꦺꦴꦭꦃ꧈ |
| ꧒ | ꧅ꦏꦮꦸꦭꦕꦶꦢꦿꦔꦸꦧꦪꦴꦯꦸꦭ꧀ꦡꦤ꧀ꦲꦔꦤ꧀ꦢꦶꦏꦩꦭꦷꦃꦥꦸꦤ꧀ꦤꦥꦲꦥꦸꦤ꧀ꦢꦶꦫꦁꦔꦤ꧀꧈ꦒꦶꦃꦲꦸꦭꦠ꧀ꦲꦤ꧀ꦢꦶꦏꦲꦝꦷꦲꦤ꧀ꦤꦺꦴꦭꦶꦃꦔꦤ꧀ꦤꦤ꧀ꦔꦺꦫꦷꦁꦮꦺꦴꦁꦔꦶꦏꦲꦭꦺꦴꦤ꧀ꦱꦸꦩꦲꦹꦂ꧈ꦲꦶꦁꦒꦶꦃꦥꦠꦶꦏꦮꦸꦭꦴꦠꦤ꧀ꦏꦫꦸꦮꦤ꧀ꦭꦩꦸꦤ꧀ꦥꦿꦥ꧀ꦠꦷꦱꦸꦤ꧀ꦤꦠꦏꦺꦴꦤ꧀ꦥꦶꦤ꧀ꦠꦼꦤ꧀ꦲꦝꦶꦲꦺꦴꦥꦃꦢꦶꦏ꧈ |
| ꧓ | ꧅ꦲꦁꦔꦸꦫꦸꦧ꧀ꦧꦏꦼꦤ꧀ꦢꦃꦲꦤꦴꦱꦢꦶꦤ꧀ꦤꦏꦭꦮꦤ꧀ꦱꦮꦼꦁꦔꦷꦏꦁꦠꦶꦤ꧀ꦤꦤ꧀ꦚꦱꦲꦸꦂꦫꦶꦫꦴꦱꦢꦶꦤ꧀ꦤꦂꦭꦤ꧀ꦤꦥꦼꦩ꧀ꦱꦶꦗꦷꦭꦃꦏꦶꦤ꧀ꦤꦂꦪꦥꦸꦤ꧀ꦤꦥꦷꦲꦺꦴꦗꦿꦠ꧀ꦩꦶꦱꦶꦭ꧀ꦏꦁꦥꦸꦤ꧀ꦤꦶꦏꦹꦏꦁꦠꦸꦁꦒꦸꦒ꧀ꦤꦶꦩꦺꦴꦗꦴꦂꦲꦶꦁꦒꦶꦃꦲꦥꦼꦩ꧀ꦏꦁꦱꦠꦸꦁꦒꦷꦭ꧀ꦱꦧꦼꦤ꧀ꦤꦫꦶꦥꦸꦤ꧀ꦤꦶꦏꦏꦁꦏꦸꦭꦠꦼꦝꦴ |
| ꧔ | ꧅ꦢꦶꦤ꧀ꦤꦂꦥꦤ꧀ꦏꦮꦸꦭꦏꦂꦪꦴꦱꦱꦲꦺꦴꦱ꧀ꦱꦤ꧀ꦏꦁꦢꦁꦩꦩꦷꦯꦸꦭ꧀ꦡꦤ꧀ꦩꦭꦶꦃꦲꦠꦠꦤ꧀ꦚꦴꦱꦢꦸꦭꦸꦂꦲꦤ꧀ꦢꦶꦏꦲꦝꦷꦥꦸꦤ꧀ꦤꦥꦠꦲꦠꦸꦁꦒꦷꦭ꧀꧈ꦱꦪꦪꦃꦭꦮꦤ꧀ꦱꦲꦶꦧꦹꦴꦱꦲꦸꦂꦫꦺꦧꦺꦴꦠꦼꦤ꧀ꦠꦸꦁꦒꦭ꧀꧈ꦱꦪꦪꦃꦥꦤ꧀ꦏꦢꦁꦩꦩꦷꦲꦶꦁꦒꦶꦃꦱꦩꦶꦱꦩꦶꦆꦱ꧀ꦭꦩ꧀ꦲꦤ꧀ꦤꦺꦁꦢꦸꦤ꧀ꦚꦴ |
| ꧕ | ꧅ꦏꦼꦂꦫꦤꦱꦝꦺꦫꦺꦏ꧀ꦏꦸꦭꦴꦥꦼꦗꦃꦱꦲꦶꦱꦶꦤ꧀ꦤꦶꦁꦥꦤ꧀ꦠꦷꦲꦶꦁꦏꦁꦩꦼꦤ꧀ꦤꦼꦢ꧀ꦢꦶꦏꦮꦸꦭ꧇ꦭꦤ꧀ꦏꦸꦭꦠꦸꦤ꧀ꦝꦸꦁꦫꦸꦩꦶꦪꦷꦤ꧀ꦯꦸꦭ꧀ꦡꦤ꧀ꦭꦶꦁꦔꦶꦫꦩꦭꦷꦃꦭꦃꦥꦸꦤ꧀ꦤꦥꦲꦝꦶꦱꦩ꧀ꦥꦹꦤ꧀ꦢꦶꦏꦠꦼꦝꦩꦫꦶꦁꦪ꧀ꦮꦁ꧈ꦱꦲꦸꦂꦫꦺꦥꦤ꧀ꦱꦩ꧀ꦥꦸꦤ꧀ꦭꦩꦷꦲꦤ꧀ꦤꦤꦼꦝꦲꦁꦱꦭ꧀ꦏꦭꦶꦃꦢꦱꦮꦂꦰꦴ |
| ꧖ | ꧅ꦭꦩꦶꦤ꧀ꦤꦺꦢꦺꦫꦺꦁꦠꦶꦤ꧀ꦤꦼꦏꦤ꧀꧈ꦢꦺꦤ꧀ꦤꦶꦁꦄꦭꦃꦭꦶꦁꦔ꧀ꦮꦩꦭꦷꦃꦩꦼꦤ꧀ꦤꦮꦶꦲꦝꦶꦲꦤ꧀ꦢꦶꦏꦴꦲꦶꦁꦒꦶꦃꦢꦂꦧꦺꦏ꦳ꦗꦠ꧀ꦩꦭꦷꦃꦱꦲꦸꦂꦫꦺꦮꦺꦴꦤ꧀ꦠꦼꦤ꧀ꦤꦒꦷꦲꦩ꧀ꦧꦩꦶꦂꦱꦮꦂꦠꦶꦤ꧀ꦤꦶꦥꦹꦤ꧀ꦲꦶꦁꦠꦤ꧀ꦤꦃꦧꦤ꧀ꦤꦸꦔꦫꦧ꧀꧈ꦮꦺꦴꦤ꧀ꦠꦼꦤ꧀ꦮꦺꦴꦁꦭꦤ꧀ꦤꦁꦱꦠꦸꦁꦒꦷꦭ꧀꧈ꦭꦁꦏꦸꦁꦲꦥꦿꦠꦥꦔꦧꦶꦢ꧀ꦠꦸꦂꦧꦸꦢꦶꦩꦤ꧀꧈ |
| ꧗ | ꧅ꦫꦤ꧀ꦤꦶꦨꦿꦲꦶꦩ꧀ꦲꦶꦧ꧀ꦤꦸꦄꦠꦠ꧀ꦲꦩ꧈ꦏꦮꦸꦭꦠꦼꦝꦲꦶꦁꦮꦶꦢ꧀ꦝꦷꦩꦸꦒꦶꦏꦮꦸꦭꦩꦁꦒꦶꦪꦴꦏꦭꦶꦤ꧀ꦠꦁꦲꦩ꧀ꦧꦏꦥꦺꦔꦷꦤ꧀꧈ꦭꦤ꧀ꦱꦩ꧀ꦥꦸꦤ꧀ꦩꦠꦶꦩꦠꦷꦏꦮꦸꦭꦪꦺꦤ꧀ꦢꦺꦫꦺꦁꦠꦼꦩꦹꦴꦭꦤ꧀ꦱꦸꦭ꧀ꦡꦤ꧀ꦤꦶꦁꦧꦸꦭ꧀ꦏꦶꦪꦃ꧈ꦪꦺꦤ꧀ꦏꦮꦸꦭꦮꦸꦱ꧀ꦱꦥꦁꦒꦷꦃꦏꦸꦭꦠꦼꦝꦲꦶꦁꦔꦭꦃꦤꦸꦤ꧀ꦠꦼꦤ꧀ꦥ꧀ꦗꦃꦲꦴ |
| ꧘ | ꧅꧉ꦯꦸꦭ꧀ꦡꦤ꧀ꦤꦁꦔ꧀ꦭꦶꦁꦲꦺꦃꦏꦶꦱꦤ꧀ꦤꦏ꧀꧈ꦢꦶꦏꦥꦶꦂꦱꦏ꧀ꦲꦏꦼꦤ꧀ꦤꦸꦒꦷꦏꦥꦼꦤ꧀ꦤꦼꦢꦤ꧀ꦏꦁꦱꦏꦶꦁꦲꦾꦴꦁꦄꦭꦃꦠꦔꦭꦗꦸꦫꦸꦁꦔꦷꦲꦤ꧀ꦝꦠꦼꦁꦔꦏꦼꦤ꧀ꦤꦸꦒꦷꦲꦶꦁꦏ꦳ꦗꦠ꧀ꦢꦶꦏꦥꦸꦤ꧀ꦤꦶꦏꦹꦲꦶꦁꦏꦁꦭꦸꦮꦶꦃꦱꦤ꧀ꦠꦺꦴꦱꦴꦭꦤ꧀ꦩꦤ꧀ꦤꦶꦫꦧꦺꦴꦪꦏꦼꦤ꧀ꦤꦷꦲꦢꦸꦮꦺꦪꦮꦼꦭꦱ꧀ꦩꦫꦁꦲꦮꦏ꧀ꦏꦶꦫꦴ |
| ꧙ | ꧅ꦱꦮꦸꦱ꧀ꦱꦶꦫꦠꦩꦶꦪꦂꦱꦴꦮꦸꦮꦸꦱ꧀ꦱꦺꦯꦸꦭ꧀ꦡꦤ꧀ꦤꦶꦨꦿꦲꦷꦩ꧀꧈ꦱꦶꦒꦿꦲꦔꦢꦼꦒ꧀ꦮꦺꦴꦁꦔꦶꦏꦴꦒꦥꦾꦸꦏ꧀ꦲꦁꦔꦿꦁꦏꦸꦭ꧀ꦩꦿꦶꦁꦩꦩꦷꦮꦸꦮꦸꦱ꧀ꦱꦺꦩꦼꦭꦱ꧀ꦱꦱꦷꦃꦲꦥꦤ꧀ꦱꦂꦮꦶꦲꦫꦮꦠ꧀ꦭꦹꦃꦲꦶꦁꦱꦸꦤ꧀ꦮꦼꦭꦱ꧀ꦠꦸꦩꦶꦁꦔꦭ꧀꧈ꦲꦠꦸꦂꦫꦺꦩꦫꦶꦁꦲꦶꦁꦩꦩꦷꦲꦝꦶꦩꦸꦒꦲꦁꦱꦭ꧀ꦭꦥꦶꦠꦸꦭꦸꦁꦲꦶꦁꦪꦾꦴꦁ |
| ꧑꧐ | ꧅ꦲꦩ꧀ꦧꦲꦤ꧀ꦝꦠꦼꦁꦏꦼꦤ꧀ꦤꦸꦒ꧈ꦲꦶꦁꦒꦶꦃꦱꦏ꦳ꦗꦠ꧀ꦩꦩꦷ꧈ꦥꦤ꧀ꦢꦺꦴꦔꦏꦸꦭꦲꦶꦁꦠꦸꦮꦤ꧀꧈ꦲꦶꦁꦒꦶꦃꦠꦸꦮꦤ꧀ꦤꦶꦗꦧꦢ꧀ꦢꦷ꧈ꦥꦠꦺꦤ꧀ꦤꦤꦥꦸꦤ꧀ꦢꦱꦷꦃꦢꦺꦤ꧀ꦤꦺꦲꦶꦁꦩꦼꦁꦏꦺꦴꦮꦸꦱꦥꦁꦒꦹꦃ꧇ꦭꦮꦤ꧀ꦤꦠꦺꦁꦧꦸꦭ꧀ꦏꦶꦪꦃ꧇ꦮꦺꦴꦁꦔꦶꦏꦤꦸꦭꦶꦒꦸꦩꦸꦭꦷꦁ꧈ꦭꦗꦼꦁꦥ꧀ꦗꦃꦒꦸꦩꦸꦭꦶꦁꦲꦤ꧀ꦤꦺꦁꦧꦤ꧀ꦠꦭꦴ |
| ꧑꧑ | ꧅ꦏꦸꦤ꧀ꦤꦼꦁꦲꦶꦁꦏꦁꦠꦶꦤ꧀ꦤꦸꦫꦸꦠ꧀ꦡꦤ꧀꧈ꦥꦤ꧀ꦤꦼꦝꦤ꧀ꦤꦺꦲꦶꦁꦪꦾꦁꦮꦶꦢ꧀ꦝꦷꦲꦶꦁꦩꦁꦏꦾꦮꦸꦱ꧀ꦩꦠꦶꦩꦸꦭ꧀ꦮꦴꦪꦠꦗꦼꦁꦯꦸꦭ꧀ꦡꦤ꧀ꦆꦨꦿꦲꦷꦩ꧀꧈ꦲꦶꦁꦏꦁꦏꦶꦤ꧀ꦤꦺꦴꦗꦃꦩꦭꦷꦃ꧈ꦤꦭꦶꦏꦤ꧀ꦤꦶꦫꦥꦶꦠꦸꦠꦹꦂꦏꦢꦶꦱ꧀ꦱꦏꦶꦁꦯꦺꦃꦩꦶꦔꦢ꧀꧈ꦯꦺꦃꦩꦶꦔꦢ꧀ꦥꦤ꧀ꦆꦧ꧀ꦤꦸꦗ꦳ꦩꦷꦭ꧀꧈ꦥꦤ꧀ꦏꦏꦭꦶꦃꦦꦟ꧀ꦝꦶꦡꦮꦸꦱ꧀ꦯꦶꦤꦸꦁꦫꦃꦩꦠ꧀꧈ |
| ꧑꧒ | ꧅ꦏꦶꦤ꧀ꦤꦠꦸꦗꦺꦴꦤ꧀ꦤꦶꦁꦱꦏꦂꦰꦴꦢꦺꦤ꧀ꦤꦶꦁꦏꦁꦔꦩꦸꦂꦧꦺꦁꦨꦸꦩꦷꦩꦁꦏꦤꦏꦁꦕꦶꦤ꧀ꦤꦫꦶꦠꦴꦢꦺꦤ꧀ꦤꦶꦁꦗꦼꦁꦯꦸꦭ꧀ꦡꦤ꧀ꦆꦨꦿꦲꦷꦩ꧀ꦲꦶꦁꦏꦁꦏꦶꦤ꧀ꦤꦺꦴꦤ꧀ꦝꦏꦢꦷꦱ꧀꧈ꦲꦶꦁꦒꦶꦃꦱꦏꦶꦁꦑꦁꦗꦼꦁꦫꦯꦹꦭ꧀꧈ꦏꦁꦩꦼꦏ꧀ꦱꦶꦃꦭꦥ꦳ꦭ꧀ꦄꦫꦧ꧀꧈ꦭꦲꦺꦴꦏ꦳ꦥ꦳ꦲꦶꦠꦸꦤ꧀ꦤꦼꦁꦒꦶꦷꦃꦄꦭꦃꦲꦸꦏ꦳ꦏ꧀ꦏꦤ꧀ꦩꦏ꧀ꦫꦶꦥ꦳ꦠ꧀ꦠꦸꦩꦭꦶꦃꦤꦾ꧈ |
| ꧑꧓ | ꧅ꦠꦏ꦳ꦩꦠ꧀ꦠꦲꦸꦥꦸꦤ꧀ꦤꦶꦏ꧈ꦭꦤ꧀ꦭꦔꦭꦶꦩ꧀ꦲꦸꦩ꧀ꦔꦱ꧀ꦭꦶꦭ꧀ꦩꦷꦴꦪꦄꦭꦢꦶꦤꦥꦸꦤ꧀ꦤꦶꦏ꧈ꦤꦱꦺꦮꦭꦲꦺꦴꦭꦤ꧀ꦩꦭꦷꦃꦔꦫꦥ꧀ꦠꦸꦩꦸꦭꦲꦮꦷꦱ꧀꧈ꦤꦸꦭꦶꦏ꦳ꦏꦸꦩ꧀ꦩꦏ꧀ꦫꦶꦥ꦳ꦠꦹꦴꦲꦸꦗꦭꦭ꧀ꦠꦢ꦳ꦭ꧀ꦭꦸꦤ꧀ꦔ꧇ꦆꦏꦸꦩ꧀ꦄꦭ꧀ꦗꦧꦭꦸꦤꦼꦁꦒꦷꦃꦠꦼꦒꦼꦱ꧀ꦱꦶꦥꦸꦤ꧀ꦭꦩꦸꦤ꧀ꦱꦶꦫꦲꦮꦼꦢꦶꦪ꧈ |
| ꧑꧔ | ꧅ꦲꦶꦁꦱꦧꦼꦤ꧀ꦤꦼꦂꦫꦺꦧꦼꦤ꧀ꦤꦼꦂꦫꦫꦴꦩꦫꦶꦁꦪ꧀ꦮꦁꦏꦁꦩꦲꦭꦸꦮꦷꦃꦱꦪꦼꦏ꧀ꦠꦶꦤꦸꦫꦸꦠ꧀ꦠꦶꦄꦭꦃ꧈ꦤꦼꦝꦏ꧀ꦏꦼꦤ꧀ꦏꦼꦤ꧀ꦤꦸꦒꦿꦲꦭꦸꦮꦷꦃꦠꦠ꧀ꦏꦭꦱꦶꦫꦲꦸꦤꦷꦁ꧈ꦮꦼꦱ꧀ꦥꦢꦩꦫꦶꦁꦪꦾꦁꦔꦓꦹꦁꦲꦶꦁꦱꦧꦼꦤ꧀ꦤꦼꦂꦫꦺꦲꦸꦒꦴꦪꦼꦏ꧀ꦠꦶꦱꦶꦫꦱꦶꦤꦸꦁꦭꦸꦮꦷꦃꦲꦶꦁꦥꦁꦮꦶꦏꦤ꧀ꦭꦸꦥꦸꦠ꧀ꦠꦶꦁꦧꦺꦴꦝꦺꦴꦠꦱꦶꦫꦴ |
| ꧑꧕ | ꧅ꦏꦁꦤꦺꦴꦫꦏꦼꦤ꧀ꦤꦧꦶꦤꦸꦢꦾꦴꦢꦺꦤ꧀ꦤꦶꦫꦱꦥꦥꦝꦤ꧀ꦤꦶꦁꦗꦤ꧀ꦩꦷꦏꦩꦸꦫꦃꦲꦤ꧀ꦤꦶꦁꦏꦩꦸꦭ꧀ꦮꦤ꧀꧈ꦭꦩꦸꦤ꧀ꦢꦺꦤ꧀ꦤꦸꦕꦥ꧀ꦤꦲꦸꦒꦷꦭꦤ꧀ꦩꦏ꧀ꦫꦶꦥ꦳ꦠ꧀ꦠꦶꦁꦔꦶꦭ꧀ꦩꦷꦪꦼꦏ꧀ꦠꦶꦏꦧꦺꦃꦒꦸꦤꦸꦁꦒꦸꦤꦹꦁꦲꦶꦭꦁꦔꦶꦁꦱꦧ꧀ꦢꦤ꧀ꦤꦶꦫꦴꦱꦮꦸꦱ꧀ꦱꦺꦯꦸꦭ꧀ꦡꦤ꧀ꦆꦧꦿꦲꦷꦩ꧀ꦲꦤꦸꦠꦸꦂꦏꦼꦤ꧀ꦩꦿꦶꦁꦱꦏ꦳ꦧꦠ꧀ꦏꦁꦩꦼꦁꦏꦤ꧈ |
| ꧑꧖ | ꧅ꦒꦸꦤꦸꦁꦒꦸꦤꦸꦁꦱꦩꦾꦲꦺꦴꦧꦃ꧈ꦗꦸꦩꦼꦒꦸꦁꦏꦒꦶꦫꦶꦒꦶꦫꦷꦲꦺꦴꦉꦒ꧀ꦭꦺꦴꦂꦏꦶꦢꦸꦭ꧀ꦭꦤ꧀ꦮꦺꦠꦤ꧀꧈ꦔꦤ꧀ꦢꦶꦏꦯꦸꦭ꧀ꦡꦤ꧀ꦆꦧꦿꦲꦷꦩ꧀ꦩꦿꦶꦁꦒꦸꦤꦸꦁꦢꦺꦤ꧀ꦠꦸꦢꦶꦁꦔꦷꦲꦺꦴꦉꦒ꧀ꦏꦧꦺꦃꦒꦸꦤꦸꦁꦒꦸꦤꦹꦁꦲꦗꦩꦼꦁꦏꦺꦴꦤ꧀ꦤꦺꦴꦱꦶꦫꦴꦱꦲꦔꦶꦭꦁꦱꦩꦷꦲꦶꦁꦱꦸꦤ꧀ꦤꦺꦴꦫꦲꦩꦿꦶꦃꦲꦶꦭꦁꦭꦃꦠꦼꦠꦼꦥ꧀ꦥꦴ |
| ꧑꧗ | ꧅ꦲꦥꦤ꧀ꦤꦺꦴꦫꦠꦠꦼꦩꦼꦤ꧀ꦤꦤ꧀꧈ꦲꦸꦗꦂꦏꦸꦠꦤ꧀ꦥꦿꦥ꧀ꦠꦺꦁꦧꦠꦷꦤ꧀꧈ꦲꦩꦸꦁꦥꦶꦠꦸꦠꦸꦂꦏꦺꦮꦭꦴꦩꦫꦁꦧꦭꦠꦺꦴꦤ꧀ꦠꦿꦩꦩꦷꦠꦼꦏꦲꦺꦴꦧꦃꦱꦶꦫꦺꦏꦷꦥꦤ꧀ꦤꦶꦁꦱꦸꦤ꧀ꦠꦤ꧀ꦤꦼꦢꦾꦤꦸꦤ꧀ꦝꦸꦁ꧇ꦭꦃꦮꦶꦱ꧀ꦥꦝꦩ꧀ꦤꦼꦁꦔꦴꦢꦾꦤ꧀ꦱꦶꦉꦥ꧀ꦱ꧀ꦮꦫꦤ꧀ꦤꦶꦁꦮꦸꦏꦷꦂ꧈ꦢꦺꦤ꧀ꦤꦶꦁꦩꦶꦂꦱꦲꦶꦁꦔꦤ꧀ꦢꦶꦏꦤ꧀ꦤꦶꦫꦯꦸꦭ꧀ꦡꦤ꧀꧈ |
| ꧑꧘ | ꧅ꦩꦁꦏꦤꦩꦭꦶꦃꦏꦶꦤ꧀ꦤꦺꦴꦗꦃ꧇ꦲꦶꦪꦗꦼꦁꦯꦸꦭ꧀ꦡꦤ꧀ꦆꦧꦿꦲꦷꦩ꧀꧈ꦲꦶꦧ꧀ꦤꦸꦄꦠ꧀ꦲꦩ꧀ꦫꦶꦏꦭꦤ꧀ꦚꦴꦱꦺꦭꦺꦃꦏꦦꦿꦨꦺꦴꦤ꧀ꦩꦿꦶꦁꦱꦶꦮꦷꦥꦸꦠꦿꦤ꧀ꦤꦺꦩꦏ꧀ꦱꦶꦃꦲꦭꦷꦠ꧀ꦤꦩꦯꦸꦭ꧀ꦡꦤ꧀ꦆꦱ꧀ꦏꦏ꧀ꦲꦶꦧ꧀ꦤꦹ꧈ꦆꦨꦿꦲꦶꦩ꧀ꦥꦥꦫꦧ꧀ꦚꦴꦏꦫꦶꦩꦁꦒꦸꦁꦔ꧀ꦭꦭꦤꦤꦶꦱ꧀꧈ꦤꦸꦠꦸꦒ꧀ꦒꦏꦼꦤ꧀ꦱꦏꦂꦱꦲꦔ꧀ꦭꦸꦒꦱ꧀ꦫꦒꦴ |
| ꧑꧙ | ꧅ꦤꦼꦢꦾꦥꦿꦥ꧀ꦠꦤ꧀ꦤꦶꦁꦏꦱꦶꦢꦤ꧀꧈ꦲꦩꦿꦶꦃꦱꦶꦢꦤ꧀ꦤꦶꦁꦢꦢꦷꦠꦼꦠꦼꦥ꧀ꦥꦺꦲꦸꦠꦩꦤ꧀ꦤꦶꦫꦴꦤꦺꦴꦫꦥꦶꦠꦸꦁꦔꦤ꧀ꦏꦁꦮꦂꦱꦷꦥꦸꦠꦿꦤ꧀ꦤꦶꦫꦯꦁꦔꦗꦷꦩꦭꦃꦮꦸꦱ꧀ꦢꦶꦮꦱꦤꦸꦠꦹꦏ꧀ꦢꦺꦤ꧀ꦚꦩꦢꦼꦒ꧀ꦤꦫꦺꦟ꧀ꦢꦿ꧈ꦏꦥꦶꦠꦼꦩꦤ꧀ꦤꦂꦰꦥꦁꦒꦷꦃꦲꦶꦁꦥꦤꦼꦝꦥꦁꦒꦶꦪꦭꦤ꧀ꦤꦿꦩꦱ꧀ꦩꦫꦴ |
