Serat Suluk
Nyawa lan Nesu



꧋ꦚꦮꦤꦧꦠ꧀ꦠꦶꦒꦮꦺꦤ꧀ꦤꦺꦲꦥꦭ꧀ꦭꦤ꧀
1ñawa nabatti, gawènné hapallan
1Nyawa nabati, gawèné apalan.
꧋ꦚꦮꦗꦱ꧀ꦩꦤ꧀ꦤꦶꦒꦮꦺꦤ꧀ꦤꦺꦔꦼꦧꦸꦤ꧀ꦧꦸꦤ꧀
2ñawa jasmanni gawènné ṅěbunbun,
2Nyawa jasmani gawèné ngěbunbun.
꧋ꦚꦮꦫꦺꦮꦤ꧀ꦤꦶꦒꦮꦺꦤ꧀ꦤꦺꦔꦸꦫꦁꦔꦸꦫꦁꦔꦶ
3ñawa réwanni gawènné ṅuraŋ ṅuraŋṅi,
3Nyawa réwani gawèné ngurang-ngurangi.
꧋ꦚꦮꦫꦺꦴꦏꦤ꧀ꦤꦶꦒꦮꦺꦤ꧀ꦤꦺꦄꦶꦱ꧀ꦠꦶꦪꦂ
4ñawa rokanni gawènné istiyaṙ
4Nyawa rokani gawèné istiyar.
꧋ꦚꦮꦫꦃꦩꦤ꧀ꦤꦶꦩꦼꦤ꧀ꦤꦼꦁꦩꦸꦭꦤ꧀ꦤꦺꦩꦼꦤ꧀ꦤꦼꦁꦢꦢꦶꦲꦺꦴꦫꦏꦭꦮꦤ꧀ꦒꦶꦤ꧀ꦤꦮꦺꦒꦶꦤ꧀ꦤꦮꦺꦲꦺꦴꦫꦲꦤꦧꦏꦭ꧀ꦭꦺꦱꦮꦧ꧀ꦒꦼꦒꦼꦩ꧀ꦥꦭ꧀ꦭꦤ꧀ꦱꦏꦲꦶꦁꦱꦼꦒꦫꦏꦢꦶꦩ꧀
5ñawa raḥmanni měnněŋ mulanné měnněŋ dadi hora kalawan ginnawé, ginnawé hora hana bakallé, sawab gěgěmpallan saka hiŋ sěgara kadim,
5Nyawa rahmani měněng mulané měněng dadi ora kalawan ginawé, ginawé ora ana bakalé, sawab gěgěmpalan saka ing sěgara kadim.
꧋ꦤꦼꦱꦸꦭꦸꦲꦩ꧀ꦩꦃꦭꦸꦁꦒꦸꦃꦲꦺꦲꦶꦁꦔꦸꦱꦸꦱ꧀ꦥꦔ꧀ꦭꦮꦁꦔꦤ꧀ꦤꦺꦲꦶꦁꦭꦺꦱ꧀ꦱꦤ꧀ꦲꦥꦏꦸꦮꦱ꧀ꦱꦤ꧀ꦤꦶꦁꦭꦺꦱ꧀ꦱꦤ꧀ꦲꦁꦔꦸꦕꦥ꧀ꦲꦥꦏꦁꦢꦺꦤ꧀ꦲꦸꦕꦥ꧀‌ꦲꦁꦔꦸꦕꦥ꧀ꦥꦸꦗꦶꦏꦁꦗꦶꦂꦤꦶꦃ
6něsu luhammaḥ, luŋguḥhé hiŋ ṅusus, paṅlawaŋṅanné hiŋ lèssan, hapa kuwassanniŋ lèssan haŋṅucap, hapa kaŋ dèn hucap, haŋṅucap puji kaŋ jiṙniḥ,
6Něsu luhamah, lungguhé ing ngusus, panglawangané ing lèsan, apa kuwasaning lèsan angucap, apa kang dèn ucap, angucap puji kang jirnih.
꧋ꦤꦼꦱꦸꦲꦩꦂꦫꦃꦭꦸꦁꦒꦸꦃꦲꦺꦲꦶꦁꦗꦤ꧀ꦡꦸꦁꦥꦭꦮꦁꦔꦤ꧀ꦤꦺꦲꦶꦁꦒꦿꦤ꧀ꦤꦲꦁꦔꦧꦸꦲꦧꦸꦲꦥꦏꦁꦢꦺꦤ꧀ꦲꦧꦸꦲꦁꦔꦧꦸꦥꦸꦗꦶꦏꦁꦗꦶꦂꦤꦶꦃ
7něsu hamaṙraḥ luŋguḥhé hiŋ janthuŋ, palawaŋṅanné hiŋ gŕanna, haŋṅabu habu, hapa kaŋ dèn habu, haŋṅabu puji kaŋ jiṙniḥ,
7Něsu amarah lungguhé ing jantung, palawangané ing grana, angabu-abu, apa kang dèn abu, angabu puji kang jirnih.
꧋ꦤꦼꦱꦸꦱꦸꦮꦶꦪꦃꦭꦸꦁꦒꦸꦃꦲꦺꦲꦶꦁꦥꦸꦱꦸꦃꦥꦭꦮꦁꦔꦤ꧀ꦤꦺꦲꦶꦁꦏꦼꦂꦤꦲꦁꦔꦿꦸꦁꦔꦺꦴꦏ꧀ꦲꦏꦺꦲꦥꦏꦁꦢꦺꦤ꧀ꦫꦸꦔꦸꦲꦔꦿꦸꦁꦔꦸꦱꦏꦺꦃꦲꦺꦏꦁꦏꦂꦫꦸꦁꦔꦸꦲꦁꦔꦿꦸꦁꦔꦸꦥꦸꦗꦶꦏꦁꦗꦶꦂꦤꦶꦃ
8něsu suwiyaḥ, luŋguḥhé hiŋ pusuḥ, palawaŋṅanné hiŋ kěṙna, haŋṅŕuŋṅok'haké, hapa kaŋ dèn ruṅu, haṅŕuŋṅu sakèḥhé kaŋ kaṙruŋṅu, haŋṅŕuŋṅu puji kaŋ jiṙniḥ,
8Něsu suwiyah, lungguhé ing pusuh, palawangané ing kěrna, angrungokaké, apa kang dèn rungu, angrungu sakèhé kang karungu, angrungu puji kang jirnih.
꧋ꦤꦼꦱꦸꦩꦸꦠ꧀ꦩꦄꦶꦤ꧀ꦤꦃꦭꦸꦁꦒꦸꦃꦲꦺꦲꦶꦁꦔꦠꦶꦥꦭꦮꦁꦔꦤ꧀ꦤꦺꦲꦶꦁꦤꦺꦠꦿꦲꦥꦏꦸꦮꦱꦤ꧀ꦤꦶꦁꦤꦺꦠꦿꦲꦤ꧀ꦤꦶꦁꦔꦭ꧀ꦭꦶꦲꦥꦏꦁꦢꦺꦤ꧀ꦠꦶꦔꦭ꧀ꦭꦶꦲꦤ꧀ꦤꦶꦔꦭ꧀ꦭꦶꦱꦏꦺꦃꦲꦺꦏꦁꦏꦠꦶꦁꦔꦭ꧀ꦭꦤ꧀ꦤꦶꦁꦔꦭ꧀ꦭꦶꦥꦸꦗꦶꦏꦁꦗꦶꦂꦤꦶꦃ
9něsu mutma'innaḥ, luŋguḥhé hiŋ ṅati, palawaŋṅanné hiŋ nétŕa, hapa kuwasanniŋ nétŕa, hanniŋṅalli, hapa kaŋ dèn tiṅalli, hanniṅalli sakèḥhé kaŋ katiŋṅallan, niŋṅalli puji kaŋ jiṙniḥ,
9Něsu mutmainah, lungguhé ing ati, palawangané ing nétra, apa kuwasaning nétra, aningali, apa kang dèn tingali, aningali sakèhé kang katingalan, ningali puji kang jirnih.